---

Mis Läbe i 101 Lieder. I Bärner Mundart. 51 Lieder us mim wäutleche Erläbe u 50 Lieder us mim chrischtlech-mystische Erläbe. 75 Fotine vo 1974 bis 2016. E liederlichi Wanderschaft. E liederlichi Biografie. Vomene heilige Sünder u sündige Heilige. Vomene ungläubige Gläubige. Vo eim, wo sich Chrischt nennt. U Buddhischt. U Wäutling. Vomene Himuschtürmer wo mängisch zum Himuschtürmi mutiert. Vo eim, wo ds Fridensrych i sich säuber suecht u dra gloubt, dass es nume dert z´finge isch. Vo eim, miteme Schrei i sim Härz unäre Sehnsucht nach Liebi u Erlösig. Vo eim, wo sis Chrüz vom Läbe täglech uf sich nimmt u so immer wieder si inner Souhung überwindet. Vo eim, wo geng wieder dr Schritt uf ds Wasser wagt. Vo eim, wo nach Freiheit sträbt, nid nach Gäud. Nachem Zytlose, nid nachem Zytleche. Vop eim, wo de Chinderschueh ändlech doch no entwachse u säuber Vater u Grossätti worde isch. Vo eim, wo sini Frou liebt u sini ching u Grossching u ds Läbe u d´Läbewäse. Vo eim, wo di fragt: Fride, Freiheit u Fründschaft - Säg mir, was bruchsch du meh?

---

Kormann, Ulrich
Ulrich Kormann ist Sozialtherapeut, Meditationslehrer und Liedermacher. Den buddhistischen Achtsamkeits-Weg (satipatthana-vipassana) praktiziert er seit 1979. Ulrich Kormann ist verheiratet, Vater von vier erwachsenen Kindern und Opa von zwei schulpflichtigen Enkelkindern.

---